18. Excelsior

---

---

Cadēbant noctis umbrae, dum
Ībat per vīcum Alpicum
Gelū niveque adolēscēns,
Vēxillum cum signō ferēns,
Excelsior!

Frōns trīstis, micat oculus
Velut ē vāgīnā gladius;
Sonantque similēs tubae
Accentūs linguae incognitae,
Excelsior!

In domibus videt clārās
Focōrum lūcēs calidās;
Relūcet glaciēs ācris,
Et rumpit gemitūs labrīs
Excelsior!

Dīcit senex, "Nē trānseās!
Suprā nigrēscit tempestās;
Lātus et altus est torrēns."
Clāra vēnit vōx respondēns,
Excelsior!

Iam lūcēscēbat, et frātrēs
Sānctī Bernardī vigilēs
Ōrābant precēs solitās,
Cum vōx clāmāvit per aurās,
Excelsior!

Sēmisepultus viātor
Cane ā fīdō reperītur,
Comprēndēns pugnō gelidō
Illud vēxillum cum signō,
Excelsior!

Iacet corpus exanimum
Sed lūce frīgidā pulchrum;
Et caelō procul exiēns
Cadit vōx, ut stella cadēns,
Excelsior!

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

124. Pueri Sextus et Marcus

---

---

Sextus. Ubi es, Mārce? Ubi est Quīntus? Ubi estis, amīci?
Mārcus. Cum Quīntō, Sexte, in silvā sum. Nōn sōlī sumus; sunt in silvā multī aliī puerī.
S. Nunc laetus es, sed nūper nōn laetus erās. Cūr miser erās?
M. Miser eram quia amīcī meī erant in aliō vīcō et eram sōlus. Nunc sum apud sociōs meōs. Nunc laetī sumus et erimus.
S. Erātisne in lūdō hodiē?
M. Hodiē nōn erāmus in lūdō, quod magister erat aeger.
S. Eritisne mox in lūdo?
M. Amīcī meī ibi erunt, sed ego nōn erō.
S. Cūr nōn ibi eris? Magister, saepe īrātus, inopiam tuam studī dīligentiaeque nōn laudat.
M. Nūper aeger eram et nunc īnfirmus sum.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

118. Cornelius et Marcus

---

---

Mārcus. Quis est vir, Cornēlī, cum puerō parvō? Estne Rōmānus et līber?
Cornēlius. Rōmānus nōn est, Mārce. Is vir est servus et eius domicilium est in silvīs Galliae.
M. Estne puer fīlius eius servī an alterīus?
C. Neutrīus fīlius est puer. Is est fīlius lēgātī Sextī.
M. Quō puer cum eō servō properat?
C. Is cum servō properat ad lātōs Sextī agrōs. Tōtum frūmentum est iam mātūrum et magnus servōrum numerus in Italiae agrīs labōrat.
M. Agricolaene sunt Gallī et patriae suae agrōs arant?
C. Nōn agricolae sunt. Bellum amant Gallī, nōn agrī cultūram. Apud eōs virī pugnant et fēminae auxiliō līberōrum agrōs arant parantque cibum.
M. Magister noster puerīs puellīsque grātās Gallōrum fābulās saepe nārrat et laudat eōs saepe.
C. Mala est fortūna eōrum et saepe miserī servī multīs cum lacrimīs patriam suam dēsīderant.

(image: servi Romani)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---

107. Romani Bellum Parant

---

---

Rōmānī, clārus Italiae populus, bellum parant. Ex agrīs suīs, vīcīs, oppidīsque magnō studiō virī validī ad arma properant. Iam lēgātī cum legiōnāriīs ex Italiā ad Rhēnum, fluvium Germāniae altum et lātum, properant, et servī equīs et carrīs cibum frūmentumque ad castra Rōmāna portant. Inopiā bonōrum tēlōrum īnfirmī sunt Germānī, sed Rōmānī armātī galeīs, lōrīcīs, scūtīs, gladiīs, pīlīsque sunt validī.

(image)

---

TEXT SOURCE: Latin for Beginners, by Benjamin Leonard D'Ooge (1911), with a vocabulary list in the back.

---